Edisi kasi Warna Rambut

A: beta mau kas warna rambut.
B: Kas Warna jua.. sapa yang larang?!
A: Tapi beta mau yang unik deng seng biasa..
B: (bingong) kayak apa?
A: langit.
B: (tambah bingong) ha? warna biru langit?
A: Iyoo.. b mau dong kas warna biru langit to lalu dong biking pola awan-awan kacil di b pung rambut. kan blom ada tuh kaya bagitu. Jadi, akang kayak dong gambar akang di beta pung rambut. b mau biking kaya gitu.
B: KUTOK biar se!

Prahara Cinta Tetangga Kos-kosan

Hidup di kos-kosan tuh, kalo Syahrini bilang "sesuatuuu"..
Hidop di kos-kosan ada pahit manis asam asin kehidupan, plus ada drama sadiki dari ana2 kos yang laeng. Carita kali ini ada drama tamang di Kos-kosan gara-gara selingkuh.

yah, jadi akang pung carita. ada A dg B. A ni anak kos di beta tampa kos. B ini tamang dari A pung selingkuhan. Singkat carita A seng tahu ada masalah apa deng akang selingkuhan sampe sampe selingkuhan su mau suicide (katong pake bahasa inggris jua supaya akang alus sadiki).
carita lanjut pas B datang bakalai A di kos. Tuangampong rame ana ee, sampe ibu kos turun tangan.

hahahaee.. kalo kos itu memang hidup bagitu jua. katong seng berniat dengar orang laeng bicara apa mar tetap akang tadengar di katong jua (sapa suruh bicara basar-basar)

Nilai yang bisa katong ambel:
ingatang kalo pacaran itu satu sa, seng usah pake selingkuh selingkuh. kasiang orang pung ana eee...
Amatoo.

Salam,
Gargantang Napas Basar

Posting Pertama di Tahun 2015

Salam bakudapa lai..

Buat yang belum tau bahasa Ambon, belajar yuk.. Boleh tanya-tanya, boleh minta terjemahan..

yang sudah tau.. Bagemana kabar samua? Bae2 saja to?

Ini posting pertama Gargantang Napas basar di tahun 2015. Well, karna samua su sibuk (termasuk bloggers Gargantang napas basar)

Anak kos yang su jadi anak rumahan, su bale jadi anak kos lai kombali. ini karena tuntutan pekerjaan belaka, jadi begitulah..

Tips For tamang-tamang yang mau kos khususnya untuk Karyawan (karena katong su karja jadi tipsnya anak-anak kos berstatus pekerja):
1. Cari kos yang dekat dengan kantor. kalo seng dapa, cari yang angkot alias oto penumpang lewat.
2. Cari yang bukan tampa mesum. Kadang, katong seng bisa dapat yang murah tapi oke. seng apa apa kalo murah tapi asal jang murahan. Skang katong dapa angkat dari polisi par sa ika, padahal katong zn salah.
3. Cari yang punya fasilitas yang sesuai dengan harga. Misalnya: Kos A harga 600rb tp dinding pembatas kamar pake tripleks, kamar mandi luar; kos B harga 800rb, dinding semen, kamar mandi dalam. well, mau pilih yang mana?
4. Cari kos yang ada rumah makan atau tampa makang dekat. yang paleng penting mini market alias toko-toko keperluan sehari-hari ada..


Yang paling penting dari samua adalah: rasakan feelnya saat pertama kali liat kos itu. Sesuai dengan harapan, merasa nyaman, feels like home atau seng, dan sebagainya.

Salamat cari kos. kalo mau dapat yang sesuai dengan katong pung mau, jang capek cari. jang pamalas tanya-tanya. Salamat. Amatoo

Edisi Malarindu

Bagini su pisah masing-masing pasti bagini sudah:
Kangen bakumpul
Kangen bikin baribot malam weekend
Kangen bacarita dari a-z
Kangen bisa pi bajalang rame-rame kayak preman mo pukul sapa bagitu
Kangen bisa katawa lapas
Semoga katong trus sama-sama meski katong su tapisah jauh.. Sio al7ers beta rindu bakumpul..
#edisikangen #edisimalarindu hahaaeee..

Saran anak kos #1

Inga tanggal-tanggal tua yang bikin kantong tipis? Seng ada kepeng par makan? Ini saran par yang tinggal merantau jau dari tana maluku:
1. Kumpul tamang2 yang ada mo mati senasib poro babunyi
2. Rayu par pi jalan2 (jalang kaki)
3.1 ampe di toko ato tampa gorengan ato nsi goreng tanya ada kepeng ka seng la kumpul bisa.dapa labe dar satu porsi
3.2 kalo uang.cuma cukup for.gorengan kumpul kepeng beli 2 msing2 orang jang lupa minta cili padis, deng saos mayones (saran ana2 gns)
3.3 kalo kos tar kasi nasi bali.nasi di bpk nasi goreng langganan sesuai kepeng sisa.
4. Bali minum 4 samua (yang murah meriah)
5. Makang rame2.

Selain kanyang, kebersamaan terjalin. Selamat mencoba. :)

Kamus: kepeng = uang

A little about AFS Exchange program

Bina Antarbudaya: Artikel Program Pertukaran Antarbudaya, Kompas Senin, 25 Maret 2013 Plus cerita pendek dua profil returnee. Original Facebook Status: null Sent via TweetDeck (www.tweetdeck.com)

Paleng Dodol

Akang obrolan nih mangkali su dua atau tiga hari yang lalu.. Di saat itu ada percakapan antara P, B, dan I. percakapan itu tentang ee tempat suntik obat pas katong saki.

P : Kalo suntik di panta (bokong) akang efek langsung dapa rasa. barang akang pung nadi paleng basar disitu.

B: Oh ka? beta senga parna dapa suntik di situ. Paling di tangan.

I: Iya, sama juga.

B: (seng pake pikir-pikir lai) berarti kalo mau bunuh orang, tusu dari panta saja supaya dia capat mati kan nadi basar disitu too??

P deng I diam sadiki lalu dong 3 pica katawa. 

P: Hayoo ee.. kalo dapa tikam disitu seng mati lah! yang ada dia lari iko katong sampe dapa.

B: Hahahahaha... Iyo lai beta baru sadar... beta ni su talalu pintar lai (lanjut katawa)