Saran anak kos #1

Inga tanggal-tanggal tua yang bikin kantong tipis? Seng ada kepeng par makan? Ini saran par yang tinggal merantau jau dari tana maluku:
1. Kumpul tamang2 yang ada mo mati senasib poro babunyi
2. Rayu par pi jalan2 (jalang kaki)
3.1 ampe di toko ato tampa gorengan ato nsi goreng tanya ada kepeng ka seng la kumpul bisa.dapa labe dar satu porsi
3.2 kalo uang.cuma cukup for.gorengan kumpul kepeng beli 2 msing2 orang jang lupa minta cili padis, deng saos mayones (saran ana2 gns)
3.3 kalo kos tar kasi nasi bali.nasi di bpk nasi goreng langganan sesuai kepeng sisa.
4. Bali minum 4 samua (yang murah meriah)
5. Makang rame2.

Selain kanyang, kebersamaan terjalin. Selamat mencoba. :)

Kamus: kepeng = uang

A little about AFS Exchange program

Bina Antarbudaya: Artikel Program Pertukaran Antarbudaya, Kompas Senin, 25 Maret 2013 Plus cerita pendek dua profil returnee. Original Facebook Status: null Sent via TweetDeck (www.tweetdeck.com)

Paleng Dodol

Akang obrolan nih mangkali su dua atau tiga hari yang lalu.. Di saat itu ada percakapan antara P, B, dan I. percakapan itu tentang ee tempat suntik obat pas katong saki.

P : Kalo suntik di panta (bokong) akang efek langsung dapa rasa. barang akang pung nadi paleng basar disitu.

B: Oh ka? beta senga parna dapa suntik di situ. Paling di tangan.

I: Iya, sama juga.

B: (seng pake pikir-pikir lai) berarti kalo mau bunuh orang, tusu dari panta saja supaya dia capat mati kan nadi basar disitu too??

P deng I diam sadiki lalu dong 3 pica katawa. 

P: Hayoo ee.. kalo dapa tikam disitu seng mati lah! yang ada dia lari iko katong sampe dapa.

B: Hahahahaha... Iyo lai beta baru sadar... beta ni su talalu pintar lai (lanjut katawa)

Kamus Besar Bahasa Ambon Part 1 (copyright Gargantang Napas Basar)

Salamat Datang lai di GARGATANG NAPAS BASAR, Orang-orang!! 

Akang blog ini dalam bahasa Ambon alias in Ambon Language alias in Ambonesse alias bahasa daerah alias melayu Ambon. Kalo ada yg rasa roming pas baca posting di blog ini, tolong komen supaya katong bisa terjemahkan ee.. katong kasiang lai kalo kamong seng dapa baca orang-orang yang cetar membahana badai halilintar petir kilat sambar pohong kanari pung posting. okeh, bro sis? okeh om tanta? okeh oma opa? 

Well, mari katong baca kamus bahasa Ambon berdasarkan kata ganti orang.

Beta = Saya
Ose/se/Ale = Kamu
Om = Om
Tanta = Tante
Usi = Mbak
Bung/Bu = Mas
Mamatua = Tante yang lebih tua dari mama/papa kita
Bapatua = Om yang lebih tua dari mama/papa kita
Kamong = Kalian
Katong = Kita
Dong = Mereka

Bagitu dolo e kalo beta inga nanti baru beta tambah lai... Ingatang kalo seng mangarti komen kas tinggal email di postingan yang seng mangarti. nanti katong balas.. oke coy?

AMATOO! *kissandhug*

Weekend-an

Ide gila muncul bagini su panas-panas tarada karja jadi katong:

1. Lomba Makan Es  Krim Tercepat
    Keunggulan: makan es krim gratis satu baskom
    Kerugian: tabera-bera

2. Tidor Siang kayak ikang pindang
    Keunggulan: tidor cantik bareng ana-ana
    Kerugian: kapanashang, dapa tandang dimuka deng badang

3. Tidor siang di lante
    Keunggulan: dapa angin cepoi-cepoi
    Kerugian: maso anging

4. Dudu nonton filem horror siang bolong
    Keunggulan: seng usa takotang apa-apa barang deng manusia-manusia panako jadi katawa seng kuat pas     dong batarea
    Kerugian: seng bisa nonton serius, pasti lompat-lompat gara-gara ada yang takotang

5.  Kareoke deng DVD/VCD bajakan
     Keunggulan: unjuk suara sapa yang paleng bagus deng sapa yang paleng tar bae dia pung suara
     Kerugian: talinga badara dengar suara sumbang batarea deng gargantang napas basar manyanyi

Ose tanya Beta jawab #3

Q: Ibukotanya Malaysia apa?

A: (pede) Brrrrrrrrrunei Darrrrrrrusalam!

*Pukul Jidat*

Ose tanya beta jawab #2

Q: Ibukota dari Australia apa? Sidni ato Sidney (cara ucap)?

A: Ya Sidney la!

Anybody know the correct answer?

Ose tanya Beta Jawab #1

Jadi kalo katong su seng punya bahan obrolan saat dudu-dudu gembel timbul pertanyaan-pertanyaan mongo-mongo deng jawaban mongo-mongo pula. Ini yang pertama.

Q: Lebih berat mana, Kapas 1 kg atau besi 1 kg?

A: Ya Besi lah!

*Katawa basar-basar*

Cinta bersemi di bandara

Dapa lia nyong ganteng,

putih baru pulang dari perantauan

sama-sama di bandara ni

, sama-sama tunggu bagasi datang.

Tiba-tiba mata bakudapa

senyum

buang muka

sanyum

buang muka lai

tarus bagitu par 10 menit

beta lia

dia lia bale

dia senyum

beta buang muka

dia sanyum kombali

dalam hati mo dia datang sini

ajak kanal kaa bagemana

eeeh nyong su dapa bagasi

nyong pi kas tinggal beta

beta balong dapa beta punya niii

batarea cuma dalang hati saja

ternyata beta baterea basar2 di bandara

orang lia

-_-"

siooo nasib ee

hahahaeeeeee

percakapan #5

Ada barang ilang dikos en ada lai barang-barang laeng yang seng tau bisa ilang tanpa jejak kayak sampo, handok, calana panjang, deng kacamata, "kacamata" kalo ada yang mangarti ya sudah buat diri sandiri saja, kalo ada yang tar mangarti tinggal tanya beta saja di komen ka seng message saja. XD

So, ada carita bagini ana-ana kos su mulai pastiu deng peristiwa kehilangan ini terjadi diskusi dibawah di depan kamar depan yang deka deng ruang tamu. (Inga: ruang tamu kos ini par samua seng nona seng nyong-nyong ganteng.) Kebetulan tamang kos pung tamang-tamang dong ada datang maeng di kos tapi yang pung kamar dapan tar sadar jadi terjadilah percakapan berikut:

A: Weh X! Beta pung barang ilang kombali lai.

X: Iyo e kk. Masa tiap kali katong bacuci baju akang baju bisa ilang tu!

A: itu dia.

X: tapi kk lia do beta seng parna cuci gabung deng orang laeng punya kanapa beta pung barang bisa ilang tu!

A: He?? se pung barang apa yang ilang?
X: Ngaaa! Beta pung kacamata itam beta ada gantong bae-bae di depan kamar akang bisa ilang tu! (deng suara menggelegar)

A: Kacamata? Lha memang sapa mo pi pake ju?

X: (muka su takisu) iyoo, masa akang yang kacil seksi bagitu bisa ilang tu emang di kos ne ada yang punya kacil bagitu laaa pi ambel beta punya?

A: (shock stengah mampos dengar akang) hahahahaha! se su talalu lai iyo se pung yang paleng kacil jadi. hahahahaaaee!

X: yang ambel to, dia pung barang bagatal ee!!!!

Tiba-tiba dari ruang tamu Y batarea: wei X jang batarea sambarang ada orang dibawah ni!

A: (kaget mata tabuka lebar) weh ada orang dibawah la katong bicara masalah bagini ni?

X: (karna su malu deng marah jadi satu angka lai) tuangaaaaa kas tinggal beta pung seksi! mau apa!!

Ada nyong 2 dibawah su cuma bisa katawa dengar percakapan tadi. Jang harap beta kas tunju muka didepan dong lai. Adoh!

Percakapan Kos #3 - doggy

Weekend datang ana-ana kos dong tar tau mo bikin apa, jadi samua dudu nonton apa yang muncul di tv la bakumpul bagosip rame-rame. dan tiba percakapan aneh muncul sambil dudu nonton deng baca majalah.
Dan yang ada muncul tipe2 anjing yg di piara di tivi.

San ada baca majalah isinya ya korea samua.

Bibi: weh ada beta pung cinta di dalam. San se lia doo nee.

San: apa? apa?

Bibi: ada ose pung cinta ni. dong imut lai deng akang

San: sapa? (sambil nyanyi iko grup band korea di tivi)

Bibi: akang "doggy" ada dudu bagus2 ni.. se pung tipe skali ee!

San: Hah?! Mana? (sambil dudu pikir deng cari tipe anjing yg bibi maksud dalam majalah)

Bibi: itu tu, yang poodle deng chihuahua tuu.

San: beta z lia ale. Mana la?

Bibi: tunju tivi.

San: ya elaah b pikir yg di majalah, kanapa se bilang dong "an*/-*"

Bibi: huhahahaha beta pikir se lia tivi.

San: ampe beta su pikir se maki dong tuu.

Samua: haaaaae!